Fjórir nýliðar í íslenska hópnum gegn Ítalíu

Leikmannahópur íslenska landsliðsins er nokkuð breyttur fyrir vináttuleikinn gegn Ítölum í Padova frá leiknum gegn Króötum síðasta laugardag. Í hópnum nú eru fjórir leikmenn sem ekki hafa leikið A-landsleik.

Kári Árnason og Gunnar Heiðar Þorvaldsson voru valdir í upphaflega hópinn, Hannes Þorsteinn Sigurðsson kom inn fyrir Eið Smára Guðjohnsen og Emil Hallfreðsson kom síðan inn í hópinn á mánudag. Ólafur Ingi Skúlason kom í hópinn á sama tíma og Emil, en Ólafur á einn landsleik að baki, lék gegn Mexíkó í nóvember 2003.