Auglýsing kvennalandsliðsins tilnefnd til verðlauna

ÍMARK, í samstarfi við Samband íslenskra auglýsingastofa, heldur nú í 19. sinn samkeppni um athyglisverðustu auglýsingar ársins. Keppt er í 12 flokkum og verða verðlaunin, Lúðurinn, afhent við hátíðlega athöfn í Háskólabíói 25. febrúar næstkomandi.

Auglýsing sem gerð var til að kynna leik A-landsliðs kvenna gegn Frökkum í undankeppni HM á síðasta ári, La Resistance, er tilnefnd til verðlauna í þremur flokkum, í flokki markpósts, veggspjalda og dagblaðaauglýsinga. Framleiðandi auglýsingarinnar var Gott fólk McCann. Aðalsamstarfsaðili KSÍ vegna A landsliðs kvenna er Íslandspóstur.