Undirbúningsfundur fyrir UEFA B próf

KSÍ hefur ákveðið að bjóða þeim þjálfurum sem vilja upp á undirbúningsfund fyrir UEFA-B prófið. Fundurinn fer fram fimmtudaginn 13.janúar í félagsheimili Þróttar í Laugardal og hefst klukkan 17:30 (u.þ.b. 1 klst).

Á fundinum fá þjálfararnir fræðslu um uppsetningu UEFA-B prófsins, hvaða kennsluefni þeir ættu að leggja áherslu á að lesa fyrir prófið og önnur hagnýt atriði. Eftir fundinn verða helstu upplýsingar birtar á Fræðsluvef KSÍ. Aðgangur er ókeypis og ekki er nauðsynlegt að skrá sig.