Stjórn KSÍ mun ekki leggja fram tillögu um fjölgun 2006

Á fundi formanna aðildarfélaga KSÍ sem haldinn var í morgun á Hótel Nordica kom fram að stjórn KSÍ mun ekki leggja fram tillögu um fjölgun liða í Landsbankadeild karla 2006 á næsta ársþingi KSÍ sem fram fer í febrúar 2005. Forsenda fjölgunar í 12 lið er lenging keppnistímabilsins um a.m.k. tvær vikur og þá að vori. Eins og staðan er í dag geta heimavellir félaganna ekki tekið við leikjum svo snemma vors, en það er hins vegar markmið KSÍ að svo verði.