Safna fyrir rútunni með kökubasar

Stúlkurnar í 4. flokki kvenna hjá Tindastóli eru svo sannarlega ákveðnar í að mæta og styðja A landslið kvenna gegn Norðmönnum í umspilinu um sæti í lokakeppni EM. Þær hafa sjálfar safnað fyrir rútunni til Reykjavíkur með því að halda kökubasar og munu 16 leikmenn af 17 í flokknum mæta á leikinn, sem fram fer í Egilshöll á miðvikudag og hefst kl. 17:00. Yngri flokkar annarra félaga eru hvattir til að fara að fordæmi Tindastólsstúlkna og fjölmenna á leikinn. Allir á völlinn!