U21 karla - Góður sigur á Svíum

U21 landslið karla vann í dag góðan 3-1 sigur á Svíum í undankeppni EM á Grindavíkurvelli. Íslenska liðið lék vel og var sigurinn fyllilega verðskuldaður. Hannes Þ. Sigurðsson skoraði þrennu í leiknum og hefur því skorað öll mörk Íslands í keppninni hingað til, 6 talsins, en hann gerði einnig þrennu gegn Búlgörum í síðasta mánuði. Ísland er í öðru sæti riðilsins með 6 stig eftir 4 leiki, eins og Svíþjóð, en Króatar eru efstir með fullt hús stiga eftir þrjá leiki.