U17 karla - Jafntefli í fyrsta leik

U17 landslið karla gerði í dag 1-1 jafntefli við Íra í fyrsta leik sínum í undankeppni EM sem fram fer í Þýskalandi. Birkir Bjarnason náði forystunni fyrir íslenska liðið eftir hálftíma leik, en írska liðið jafnaði nokkrum mínútum síðar. Um hörkuleik var að ræða, mikil barátta og marktækifæri á báða bóga. Í hinum leik riðilsins lögðu Þjóðverjar Litháa með fjórum mörkum gegn engu.