Bandarískur sigur í síðari vináttuleiknum

A lið kvenna tapaði síðari vináttuleik sínum gegn Bandaríkjunum með þremur mörkum gegn engu, en liðin mættust öðru sinni í gærkvöldi. Leikið var á Heinz-Field leikvanginum í Pittsburgh að viðstöddum 6.500 áhorfendum. Bandaríska liðið var sterkara lengst af og leiddi með tveimur mörkum í hálfleik. Íslenska liðið sótti í sig veðrið eftir því sem leið á leikinn, en tókst ekki að skora þrátt fyrir ágætar tilraunir.