U19 kvenna - Tap í síðasta leik

U19 landslið kvenna tapaði 1-4 gegn Sviss á laugardag í lokaleik sínum í undankeppni EM og hafnaði því í neðsta sæti riðilsins, án stiga og skoraði liðið aðeins eitt mark í leikjunum þremur. Sviss hafnaði í efsta sæti riðilsins, en Írland í öðru sæti og komast þessi tvö lið áfram í milliriðil. Það var Regína María Árnadóttir sem skoraði mark Íslands.