Byrjunarlið A kvenna gegn Bandaríkjunum á laugardag

Helena Ólafsdóttir, þjálfari A landsliðs kvenna, hefur valið byrjunarlið Íslands fyrir fyrri vináttuleikinn gegn Bandaríkjunum, en liðin mætast á Frontier Field leikvanginum í Rochester á laugardag og hefst leikurinn kl. 23:30 að íslenskum tíma. Lið Íslands er þannig skipað (4-5-1): Þóra er í markinu, Íris og Málfríður bakverðir, Erla og nýliðinn Ásta Árnadóttir eru miðverðir. Margrét Lára og Hólmfríður verða á köntunum, Dóra Stefáns aftarlega á miðjunni, Laufey og Edda fyrir framan hana, og Olga fremst.