U19 kvenna - Byrjunarlið Íslands gegn Írum

U19 landslið kvenna mætir Írum kl. 18:30 að íslenskum tíma í undankeppni EM í dag, en leikið er í Dublin. Ólafur Þór Guðbjörnsson, þjálfari Íslands, hefur valið byrjunarliðið fyrir leikinn og er það þannig skipað (4-4-2): Sandra í markinu, Hallbera og Bryndís bakverðir, Regína og Guðrún Erla miðverðir. Á köntunum eru Greta og Björk, en Kolbrún og Gunnhildur eru inni á miðjunni. Harpa leikur síðan aðeins fyrir aftan Söndru Sif, sem er fremst.