Dómurinn staðfestur
Áfrýjunardómstóll KSÍ hefur tekið fyrir áfrýjun Þórs á niðurstöðu Dómstóls KSÍ frá 31. ágúst varðandi kæru á leik liðsins og Stjörnunnar á Íslandsmóti 2. flokks karla sem fram fór á Stjörnuvelli 8. ágúst síðastliðinn. Stjarnan hafði kært leikinn á þeim forsendum að lið Þórs hafi verið ólöglega skipað. Dómstóll KSÍ féllst á kröfu kæranda og dæmdi Stjörnunni 3-0 sigur í leiknum, auk þess sem Þór var gert að greiða sekt. Þór áfrýjaði dómnum til Áfrýjunardómstóls KSÍ, sem staðfesti fyrri dóminn.
.JPG?proc=760)
