Byrjunarlið Íslands gegn Búlgörum

Ásgeir Sigurvinsson og Logi Ólafsson, þjálfarar A landsliðs karla, hafa valið byrjunarlið Íslands gegn Búlgörum í undankeppni HM 2006. Tvær breytingar eru gerðar á byrjunarliðinu frá vináttuleiknum gegn Ítölum í síðasta mánuði, Arnar Grétarsson kemur inn í stað Rúnars Kristinssonar, sem er meiddur, og Árni Gautur kemur aftur í markið. Lið Íslands er þannig skipað (3-5-2): Árni verður í markinu, Kristján Örn, Ólafur Örn og Hermann í vörninni, Þórður og Indriði á köntunum, Brynjar Björn djúpur á miðjunni og Arnar og Gylfi fyrir framan hann, Heiðar og Eiður Smári frammi.

Hópurinn