U21 karla leikur á Víkingsvelli á föstudag

U21 landslið karla leikur fyrsta leik sinn í undankeppni EM á Víkingsvelli á föstudag. Mótherjarnir eru Búlgarar og hefst leikurinn kl. 17:00. Liðið hefur leikið einn vináttulandsleik til að undirbúa sig fyrir EM, 1-2 tapleik gegn Eistlendingum ytra 18. ágúst síðastliðinn. Eyjólfur Sverrisson tók við U21 liðinu eftir síðustu undankeppni og eru þetta fyrstu leikirnir undir hans stjórn. Áhorfendaaðstaðan á Víkingsvelli er með því besta sem gerist hér á landi og er fólk hvatt til að skella sér á völlinn og hvetja piltana okkar til dáða.