U17 karla - Tap í fyrsta leik
U17 landslið karla lék í dag gegn Norðmönnum á Norðurlandamótinu sem fer fram í Vaasa í Finnlandi. Þrátt fyrir að vera meira með boltann og eiga góð færi í fyrri hálfleik tókst íslenska liðinu aðeins að skora eitt mark og var þar Arnór Smárason að verki og jafnaði leikinn 25. mínútu eftir að Norðmenn komust yfir 4 mínútum fyrr. Norðmenn skoruðu mark strax í byrjun síðari hálfleiks og íslenska liðinu tókst ekki að jafna leikinn öðru sinni og lauk leiknum því með sigri Norðmanna 2-1.
Næsti leikur íslenska liðsins er á morgun gegn Finnum og hefst leikurinn kl. 15:30 að íslenskum tíma.
.jpg?proc=760)
.jpg?proc=760)
