Leikir um sæti á Akureyri á fimmtudag

Á fimmtudag verður leikið um sæti á NM U21 kvennalandsliða og fara allir leikirnir fram á Akureyri. England og Noregur leika um 7. sætið á KA-velli, Ísland leikur gegn Þýskalandi um 5. sætið á Þórsvelli og Danmörk mætir Finnum, sem komu nokkuð á óvart með því að leggja Norðmenn sannfærandi í lokaumferð riðlakeppninnar, í leik um 3. sætið. Til úrslita leika Bandaríkin og Svíþjóð, sem sigruðu nokkuð örugglega í sínum riðlum. Allar upplýsingar um mótið má finna á www.nordic2004.com.