Jafntefli gegn Englandi í fyrsta leik

U21 landslið kvenna gerði í dag 1-1 jafntefli við Englendinga í fyrstu umferð Norðurlandamótsins, sem fram fer hér á landi. Enska liðið náði forystu með marki á 27. mínútu, en Nína Ósk Kristinsdóttir jafnaði metin á lokasekúndum fyrri hálfleiks. Jafnræði var með liðunum í fyrri hálfleik en íslenska liðið hafði undirtökin í þeim síðari. Besta færi liðsins fékk Margrét Lára Viðarsdóttir, sem skaut naumlega framhjá. Umfjöllun um leiki dagsins er að finna á vef mótsins, www.nordic2004.com.