Fyrstu leikirnir á NM fara fram í dag

Fyrstu leikirnir á NM U21 kvenna fara fram í dag. Leikirnir í A-riðli fara báðir fram á Sauðárkróksvelli, Danmörk gegn Svíþjóð og Ísland gegn Englandi. Í B-riðli mætast Bandaríkin og Finnland á Dalvíkurvelli annars vegar, en Noregur og Þýskaland á Akureyrarvelli hins vegar. Allar upplýsingar um mótið, leikina, leikmenn, dómara o.fl. er að finna á vef mótsins. Fylgst verður með stöðu í leikjum á meðan þeir eru í gangi og úrslitin skráð strax að leikjunum loknum. Leikskýrslur verða skráðar eins fljótt og mögulegt er og að auki verður fjallað stuttlega um leikina. Smellið á merki keppninnar hér til hægri á síðunni til að skoða vef NM U21 kvenna 2004.