"Knattspyrna - Leikur án fordóma"

Á síðasta ári fór KSÍ ásamt stuðningi UEFA og Mastercard af stað með átaksverkefni sem fékk nafnið "Knattspyrna - Leikur án fordóma". Átaksverkefnið er þríþætt og miðar að því að útrýma fordómum úr knattspyrnunni á Íslandi, koma í veg fyrir einelti og leggja áherslu á heiðarlegan leik og framkomu. Áhorfendur í Landsbankadeildinni munu sjá skilti og flögg á leikjum til að minna á þetta átaksverkefni, auk þess sem gefinn er út fræðslubæklingur, veggspjöld og fleira til að styrkja þetta átak.