A kvenna leikur gegn Englandi á föstudag
A landslið kvenna leikur vináttuleik gegn Englandi í Peterborough á föstudag. Leikurinn fer fram á London Road Stadium og hefst kl. 18:30 að íslenskum tíma. Ísland og England hafa mæst 6 sinnum áður, þær ensku hafa haft sigur í fimm leikjum og einu sinni hafa liðin gert jafntefli, á Laugardalsvelli í september 2002.
Dóra María í stað Guðlaugar
Guðlaug Jónsdóttir meiddist á æfingu íslenska liðsins í morgun og hefur Dóra María Lárusdóttir verið kölluð í hópinn í hennar stað. Dóra María heldur til Englands síðar í dag.
