Skoskir leikmenn með íslenskum liðum
Nokkuð hefur verið um það að skoskir leikmenn hafi leikið með íslenskum kvennaliðum á undanförnum árum. ÍBV hefur verið með skoska leikmenn í sínum röðum undanfarin ár, m.a. Michelle Barr og Pauline Hamill sem eru einmitt í skoska landsliðshópnum sem mætir Íslendingum á laugardag. Meðal annarra skoskra leikmanna sem leikið hafa með íslenskum liðum má nefna Mhairi Gilmour og Rachel Hamill sem hafa leikið með ÍBV, og þá léku þrír skoskir leikmenn með Grindavík árið 2001, þær Tracy Katherine Donachie, Karen Penglase og Marina MacDonald.
