Leyfisveitingaferlinu seinkað um viku
Í síðustu viku kom hingað til lands sendinefnd frá UEFA í þeim tilgangi að skoða leyfiskerfi KSÍ. Skoðunin gekk vel fyrir sig og ljóst að uppsetning leyfiskerfis KSÍ gengur vel, en þó þarf að gera ákveðnar úrbætur sem verið er að vinna í. Af þessum sökum er nauðsynlegt að seinka leyfisveitingaferlinu, þannig að ákvarðanir leyfisráðs um þátttökuleyfi til handa félögum í Landsbankadeild karla munu væntanlega liggja fyrir u.þ.b. viku síðar en áætlað var, eða 16. mars næstkomandi.
.jpg?proc=760)
