Markmannsþjálfun með Frans Hoek
Markmannsþjálfarinn Frans Hoek mun kenna á námskeiði á vegum KSÍ 24. - 26. október næstkomandi í Fífunni. Hoek hefur undanfarin 6 ár verið markmannsþjálfari Barcelona og hefur einnig starfað sem markmannsþjálfari Ajax og hollenska landsliðsins. Þá hefur hann verið fyrirlesari á vegum FIFA og UEFA til fjölda ára. Frans Hoek hélt námskeið á Íslandi árið 1996 sem á mættu um 60 þjálfarar og almennt ríkti mikil ánægja með það námskeið. Skráning er hafin hjá Sigurði Ragnari Eyjólfssyni, fræðslustjóra KSÍ (sími 510-2909 / tölvupóstur siggi@ksi.is). Fyrirlestrarnir fara fram á ensku og er verð kr. 5.000.
.jpg?proc=760)
