Knattspyrnukynning í Smáralind
Í tilefni Heilsu- og hvatningardaga ÍSÍ verður KSÍ með kynningu á knattspyrnu í Vetrargarðinum í Smáralind á laugardag, milli klukkan 13:00 og 15:30. U19 landslið kvenna verður á staðnum í landsliðstreyjum og leikur listir sínar ásamt því að gefa veggspjöld af kvennalandsliðinu. Þá verður Íslandsbikarinn í meistaraflokki karla til sýnis, en KR-ingar fá hann svo afhentan á sunnudaginn. Börnum mun einnig gefast kostur á að reyna skothittni sína, en KSÍ verður með mark sem hægt verður að skjóta á. Það er tilvalið að kíkja til okkar í Smáralindina og mæta svo á Laugardalsvöllinn klukkan 16:00 og styðja A landslið kvenna til sigurs gegn Póllandi.
.jpg?proc=760)
