A kvenna - Aldrei leikið áður gegn Póllandi
A landslið kvenna mætir Pólverjum í undankeppni EM á Laugardalsvelli laugardaginn 13. september næstkomandi kl. 16:00. Þetta verður í fyrsta sinn sem A landslið þjóðanna mætast í kvennaflokki. Íslenska liðið er með fjögur stig eftir þrjá leiki í riðlinum, en pólska liðið er án stiga eftir tvo leiki og hefur ekki skorað mark.
Hvernig verður auglýsingin fyrir þennan leik?
Íslensku stúlkurnar hafa undanfarin misseri gert skemmtilegar auglýsingar til að vekja athygli á heimaleikjum liðsins, þar sem leikmenn liðsins stilla sér upp samkvæmt ákveðnu þema. Spurningin er: Hvað gera þær nú?
