Breyting á landsliðshópi kvenna
Helena Ólafsdóttir, þjálfari A-landsliðs kvenna, hefur gert eina breytingu á leikmannahópi Íslands gegn Frökkum í undankeppni EM. Björg Ásta Þórðardóttir úr Breiðabliki hefur af óviðráðanlegum ástæðum neyðst til að draga sig úr hópnum og í hennar stað kemur Laufey Jóhannsdóttir, leikmaður Vals.
Leikurinn fer fram í París 8. september næstkomandi og hefst kl. 15:30 að íslenskum tíma. Laugardaginn 13. september leikur liðið síðan gegn Póllandi á Laugardalsvelli og verður hópurinn fyrir þann leik tilkynntur síðar.
