Forsala aðgöngumiða á Ísland - Þýskaland
Íslendingar mæta Þjóðverjum í undankeppni EM 6. september næstkomandi. Leikurinn fer fram á Laugardalsvelli og hefst kl. 17:30. Stórum hluta aðgöngumiðanna hefur þegar verið ráðstafað til Knattspyrnusambands Þýskalands og samstarfsaðila KSÍ. Nú hefst forsala á um u.þ.b. 3000 aðgöngumiðum og er það stór hluti þeirra miða sem eftir á að ráðstafa - Fyrst fer fram netsala í gegnum heimasíður KSÍ og ESSO, en síðan tekur við forsala á Nestis-stöðvum ESSO, svo fremi sem einhverjir miðar verði eftir. Smellið á myndina hér til hægri til að sjá upplýsingar um hvernig megi kaupa miða.
