U17 karla - Byrjunarliðið gegn Englendingum
Lúkas Kostic, þjálfari U17 landsliðs karla, hefur tilkynnt byrjunarliðið sem mætir Englendingum í fyrsta leik sínum á Opna Norðurlandamótinu sem fram fer í Noregi. Leikurinn í dag hefst kl. 14:30 að íslenskum tíma. Ein breyting var gerð á landsliðshópnum sem hélt utan í gær, Vilhjálmur Vilhjálmsson úr Fram er meiddur og í hans stað var valinn Árni Þór Finnsson úr HK.
Byrjunarliðið: 4-5-1
Markvörður: Elvar Þór Alfreðsson.
Varnarmenn: Pétur Gíslason, Heimir Einarsson, Arnaldur Stefánsson og Gestur Ingi Harðarson.
Tengiliðir: Bjarki Már Sigvaldason, Ari Freyr Skúlason, Theodór Elmar Bjarnason, Rúrik Gíslason og Gunnar Kristjánsson.
Framherji: Matthías Vilhjálmsson.
