U21 kvenna - Leikið gegn Bandaríkjunum í dag
U21 landslið kvenna leikur gegn Bandaríkjunum á Opna NM í dag og hefst leikurinn kl. 14:30 að íslenskum tíma. Úlfar Hinriksson, þjálfari liðsins, hefur gert fjórar breytingar á byrjunarliðinu frá síðasta leik. Þær sem koma inn í byrjunarliðið eru Dóra María Lárusdóttir, Ólína G. Viðarsdóttir, Ásta Árnadóttir og Elín Anna Steinarsdóttir. María B. Ágústsdóttir, markvörður liðsins, tekur við fyrirliðabandinu af Eddu Garðarsdóttur, sem á við smávægileg meiðsli að stríða.
