Tap gegn Svíum hjá U17 kvenna
U17 landslið kvenna tapaði 2-4 í dag gegn Svíum á Opna Norðurlandamótinu sem fer fram í Svíþjóð. Svíar komust yfir snemma leiks, en Júlíana Einarsdóttir jafnaði metin á 20. mínútu áður en þær sænsku komust síðan aftur yfir og leiddu 2-1 í leikhléi. Fljótlega í síðari hálfleik jafnaði Greta Mjöll Samúelsdóttir metin fyrir Ísland, en heimaliðið var sterkara á endasprettinum og bætti við tveimur mörkum áður en yfir lauk. Næsti leikur Íslands er á föstudag, gegn Finnum.
