Eyjólfur meiddur
Eyjólfur Sverrisson meiddist á æfingu í vikunni og gefur því ekki kost á sér í landsleikina gegn Færeyjum og Litháen.
Í tilefni fréttar um Eyjólf Sverrisson á Stöð 2 í gær og viðtali við hann sem birtist á heimasíðu UEFA vill KSÍ koma því á framfæri, að formaður KSÍ, Eggert Magnússon, og Eyjólfur Sverrisson hafa rætt saman um hugsanlega þátttöku Eyjólfs í verkefnum fyrir KSÍ sem tengjast 50 ára afmæli Knattspyrnusambands Evrópu árið 2004. Afmælisins verður minnst með ýmsum hætti í aðildarlöndum UEFA sem og 100 ára afmælis FIFA sem ber upp á sama ár. Ekki hefur verið gengið frá neinu samkomulagi vegna þessa en aðilar munu ræða saman þegar Eyjólfur kemur til landsins í sumar.
