Byrjunarliðið gegn Finnum
Atli Eðvaldsson, þjálfari A-landsliðs karla, hefur valið byrjunarlið Íslands gegn Finnum, en liðin mætast í vináttulandsleik í dag, sem er liður í undirbúningi íslenska liðsins fyrir leikina gegn Færeyjum og Litháen í undankeppni EM í byrjun júní. Leikurinn fer fram á Pohjola leikvanginum í Vantaa og hefst kl. 14:00 að íslenskum tíma. Meiðsli Þórðar Guðjónssonar voru meiri en reiknað var með og var ákveðið að hann færi heim fyrr en upphaflega var áætlað til að geta komist strax í fyrramálið í meðhöndlun hjá læknum Bochum.
Lið Íslands gegn Finnlandi (4-4-2)
Markvörður: Árni Gautur Arason.
Varnarmenn: Gylfi Einarsson, Indriði Sigurðsson, Lárus Orri Sigurðsson og Hermann Hreiðarsson.
Tengiliðir: Jóhannes Karl Guðjónsson, Arnar Þór Viðarsson, Rúnar Kristinsson (fyrirliði) og Arnar Grétarsson.
Framherjar: Eiður Smári Guðjohnsen og Arnar Gunnlaugsson.
