Finnar tilkynna hópinn gegn Íslendingum
|
Antti Muurinen, landsliðsþjálfari Finnlands, hefur valið hópinn sem mætir Íslendingum í Finnlandi 30. apríl næstkomandi. Íslenskt knattspyrnuáhugafólk ætti að kannast við nokkra úr hópnum, en meðal þekktari leikmanna Finna eru Sami Hyypiä, leikmaður Liverpool og Jari Litmanen og Petri Pasanen, sem leika með Ajax. Fjórir leikmenn eru meiddir, sem hefðu annars verið í hópnum, þeir Teemu Tainio (Auxerre), Antti Niemi (Southampton), Hannu Tihinen (Anderlecht) og Aki Riihillahti (Crystal Palace). |
