Hörkuleikur hjá U19 karla
U19 landslið karla gerði 3-3 jafntefli við Skota í hörkuleik í dag, en leikurinn fór fram á Recreation Park í Alloa. Heimamenn voru sterkari í fyrri hálfleik og leiddu 1-0 þegar flautað var til leikhlés. Í byrjun síðari hálfleiks skiptust liðin á að sækja, en þegar staðan var orðin 3-1, Skotum í vil, tóku Íslendingar öll völd á vellinum og jöfnuðu metin. Mörk Íslands gerðu þeir Hjálmar Þórarinsson, Ólafur Johnson og Kjartan Finnbogason, sem skoraði einnig í fyrri viðureign liðanna.
