Byrjunarlið Eistlands
Eistland og Ísland mætast í vináttulandsleik á Le Coq leikvanginum í Tallinn í dag, miðvikudag, og hafa bæði lið tilkynnt byrjunarlið sín. Heimamenn leika agaðan varnarleik og treysta á að stórhættulegar skyndisóknir þeirra gefi mörk, enda þykja framherjar liðsins afar fljótir. Þjálfari Eistlands er Holllendingurinn Arno Pijpers, en dómari leiksins er Ben Haverkort og kemur hann einnig frá Hollandi.
Lið Eistlands gegn Íslandi
Markvörður: Mart Poom.
Varnarmenn: Erko Saviauk, Sergei Hohlov-Simson, Raio Piiroja og Urmas Rooba.
Tengiliðir: Martin Reim, Kert Haavistu, Marko Kristal, Andreas Oper og Joel Lindpere.
Framherji: Indrek Zelinski.
Byrjunarlið Íslands má sjá hér neðar á síðunni.
