Ísland í 56. sæti á styrkleikalista FIFA
Íslenska landsliðið er í 56. sæti á styrkleikalista FIFA, sem gefinn var út í dag, og fellur liðið um tvö sæti frá því listinn var síðast gefinn út. Ungverjaland (upp um 10 sæti) og Skotland (upp um 8 sæti), sem hafa bæði lagt Íslendinga að velli á undanförnum mánuðum eru í næstu sætum fyrir ofan. Engar stórbreytingar eru á efstu sætum listans, Brasilíumenn eru efstir, sem fyrr, en þar á eftir koma Frakkar, Spánverjar, Þjóðverjar, Argentínumenn og Englendingar.
