Netsölu á Ísland - Skotland lýkur í dag
Í dag er síðasti dagurinn sem aðgöngumiðar á Ísland - Skotland í undankeppni EM 2004 eru seldir á netinu. Hægt hefur verið að kaupa miða í gegnum heimasíðu KSÍ með því að smella á valmyndina hér til hægri og einnig á heimasíðu ESSO. Forsala á Nestis-stöðvum ESSO á höfuðborgarsvæðinu er í fullum gangi og verður það fram á föstudagskvöld. Rétt er að benda á að miðasalan gengur mjög vel og lítið er eftir af miðum, þannig að fólk er hvatt til að tryggja sér miða sem allra fyrst.
