Sterkur hópur hjá Ungverjum
Ungverjar koma hér til lands með sterkan leikmannahóp fyrir vináttulandsleikinn gegn Íslendingum á Laugardalsvelli á laugardag. Alls leika 11 af 21 leikmanni með liðum utan Ungverjalands, þar af 6 með þýskum liðum, en aðrir leika í Hollandi, Austurríki, Tyrklandi og Portúgal. Af þeim sem leika í heimalandinu koma flestir frá Ferencvaros, eða fimm. Af sterkustu leikmönnum liðsins má nefna markvörðinn Gabor Kiraly frá Hertu Berlin og Krisztian Lisztes, sem lék áður hjá Stuttgart, en er nú á mála hjá Werder Bremen.
