Knattþrautir KSÍ og Símans

KSÍ og Síminn buðu krökkum í 4. flokki kvenna og 5. flokki karla hjá félögum í Símadeildum karla og kvenna upp á knattþrautir í sumar, í samvinnu við þjálfara flokkanna. Þetta er gert til að efla áhuga ungs knattspyrnufólks á að æfa sína eigin knatttækni í gegnum skipulagðar knattþrautir. Knattþrautirnar er að finna í valmyndinni hér til vinstri, undir Allt um KSÍ / Fræðslumál.

Á vináttulandsleik Íslands og Andorra á dögunum voru 34 krakkar úr 13 félögum verðlaunaðir af KSÍ og Símanum fyrir frammistöðu sína í knattþrautunum. Það voru þeir Agnar Már Jónsson, framkvæmdastjóri hjá Símanum, og Eggert Magnússon, formaður KSÍ, sem afhentu þessum knattspyrnuhetjum framtíðarinnar viðurkenningu fyrir sýndan árangur.

Nánar um knattþrautir KSÍ og Símans