U17 karla - NM hefst í dag
Norðurlandamót U17 landsliða karla hefst í Svíþjóð í dag og leika Íslendingar gegn Slóvökum, en leikurinn hefst kl. 15:00 að íslenskum tíma. Ísland og Slóvakía eru í B-riðli, ásamt Danmörku og Finnlandi. Í A-riðli eru England, Færeyjar, Noregur og Svíþjóð. Riðlakeppninni lýkur föstudaginn 2. ágúst, en leikir um sæti fara fram daginn eftir.
Lið Íslands í dag (4-5-1):
Markvörður: Jóhann Ólafur Sigurðsson.
Varnarmenn: Sigurbjörn Ingimundarson, Kristján Hauksson, Kristinn Darri Röðulsson, Kjartan Ágúst Breiðdal.
Tengiliðir: Ingólfur Þórarinsson, Ágúst Örlaugur Magnússon, Ragnar Sigurðsson, Hilmar T. Arnarsson, Hafþór Æ. Vilhjálmsson.
Framherji: Hjálmar Þórarinsson (fyrirliði).
