Byrjunarliðið gegn Ítalíu
Jörundur Áki Sveinsson hefur tilkynnt byrjunarlið Íslands gegn Ítalíu í undankeppni HM kvennalandsliða, en leikurinn fer fram á Sardiníu á morgun og hefst hann kl. 16:00 að íslenskum tíma. Ein breyting er á byrjunarliðinu gegn Spáni á dögunum, Edda Garðarsdóttir tekur út leikbann og í hennar stað kemur Ásdís Þorgilsdóttir. Hópurinn er vel stemmdur og æfðu stúlkurnar við góðar aðstæður í morgun í rúmlega 20° hita.
Byrjunarliðið
Markvörður: Þóra Björg Helgadóttir.
Varnarmenn: Elín Jóna Þorsteinsdóttir, Ásdís Þorgilsdóttir, Guðrún Sóley Gunnarsdóttir, Rósa Júlía Steinþórsdóttir og Katrín Jónsdóttir.
Tengiliðir: Margrét Ólafsdóttir, Ásthildur Helgadóttir (fyrirliði), Guðlaug Jónsdóttir og Erla Hendriksdóttir.
Framherji: Olga Færseth.
