Ósigur gegn Georgíu
U17 landslið karla beið ósigur gegn liði Georgíu í fyrsta leik sínum á alþjóðlegu móti á Spáni í dag. Georgíumenn skoruðu strax á 4. mínútu, en Hjálmar Þórarinsson jafnaði á 23. mínútu og þannig stóðu leikar í hálfleik. Georgíumenn skoruðu síðan tvö mörk eftir hornspyrnur á síðustu tíu mínútum leiksins og unnu því 3-1.
Næsti leikur íslenska liðsins er á fimmtudag kl. 19:00 að íslenskum tíma gegn Azerbaijan sem tapaði í dag 6-0 fyrir gestgjöfunum Spánverjum.
Byrjunarliðið
Markvörður: Þorsteinn Einarsson.
Varnarmenn: Sölvi Sturluson, Jón Guðbrandsson og Kári Ársælsson.
Tengiliðir: Eyjólfur Héðinsson, Andri Ólafsson, Jón Orri Ólafsson, Gunnar Þór Gunnarsson (Ragnar Sigurðsson 80) og Ólafur Páll Johnson (Gunnar Örn Jónsson 77).
Framherjar: Ívar Björnsson og Hjálmar Þórarinsson (Steinþór Þorsteinsson 62).
