Ásgeir og Kristján ekki ólöglegir
Tvíburarnir Ásgeir Ingi Einarsson og Kristján Yngvi Einarsson, fæddir 1985, léku með Stjörnunni í Deildarbikarleik gegn KR um síðastliðna helgi. Við skráningu á leikskýrslu kom í ljós að bræðurnir voru báðir skráðir í gagnagrunn KSÍ sem leikmenn KR. Möguleikar á tilviki sem þessu eru fyrir hendi vegna ákvæðis í eldri reglugerð KSÍ um félagaskipti, sem nú hefur verið felld úr gildi, en þar urðu leikmenn í 4. flokki karla og 3. flokki kvenna og yngri aldursflokkum löglegir án félagaskipta með því félagi sem þeir hófu keppni með á Íslandsmóti það árið.
