Markalaust jafntefli gegn Kuwait
Ekkert mark var skorað í vináttulandsleik Íslands og Kuwait, sem fór fram í Oman í dag. Íslenska liðið átti nokkur ágætis færi þó leikmenn Kuwait hafi verið meira með boltann. Sóknarmönnum þeirra tókst ekki að finna glufur á vörn Íslands og reyndu mikið af langskotum. Besta færi Kuwait kom eftir skyndisókn í síðari hálfleik, en Árni Gautur varði vel. Allar aðstæður til knattspyrnuiðkunar voru hinar bestu í Muscat, glæsilegur leikvangur og sjálfur völlurinn afar góður, logn og um 15 stiga hiti.
