Vináttuleikir við Kuwait og Saudi-Arabíu
Ákveðið hefur verið að A landslið karla muni ferðast til Mið-Austurlanda í byrjun janúar og leika tvo vináttulandsleiki, fyrst gegn Kuwait, en leikið verður í borginni Muscat í Oman, og síðan gegn Saudi-Arabíu, en sá leikur fer fram í höfuðborg Saudi-Arabíu, Riyadh. Leikurinn gegn Saudi-Aröbum er liður í undirbúningi þeirra fyrir Heimsmeistarakeppnina í Suður-Kóreu og Japan. Atli Eðvaldsson hefur valið 18 leikmenn til fararinnar og í þeim hópi eru tveir nýliðar, Baldur Aðalsteinsson, ÍA, og Hjálmar Jónsson, Keflavík.
