EM U17 karla
U17 lið karla lék í dag fyrsta leik sinn í undankeppni EM, en leikið var gegn heimamönnum í Eistlandi. Íslenska liðið var mun sterkara í leiknum og sigraði sannfærandi, 4-0. Hjálmar Þórarinsson og Ívar Björnsson skoruðu í fyrri álfleik, en Gunnar Þór Gunnarsson og Ólafur Páll Johnson í þeim síðari. Þrjú markanna komu eftir föst leikatriði. Næsti leikur liðsins er á föstudag gegn Póllandi.
Byrjunarliðið
Markvörður: Þorsteinn Einarsson.
Varnarmenn: Jón Orri Ólafsson, Kári Ársælsson, Sölvi Sturluson, Jón Guðbrandsson og Gunnar Þór Gunnarsson.
Tengiliðir: Eyjólfur Héðinsson (Fyrirliði), Ólafur Páll Johnson, Maríus Þór Haraldsson
Framherjar: Ívar Björnsson og Hjálmar Þórarinsson.
