NM U17 karla: Stórt tap gegn Dönum
U17 landslið karla lék í dag, fimmtudag, annan leik sinn í Norðurlandamótinu, sem fram fer í Danmörku, og hófst leikurinn kl. 15:00 að íslenskum tíma. Skemmst er frá því að segja að Danirnir hreinlega rúlluðu yfir íslenska liðið í fyrri hálfleik, gerðu fimm mörk án þess að okkar drengir næðu að svara fyrir sig. Allt annað var að sjá til íslenska liðsins í síðari hálfleik, og gerði Ólafur Páll Johnson eina markið sem skorað var eftir hlé. Lokatölur leiksins urðu því 5-1, Dönum í vil.
Byrjunarliðið
Markvörður: Gunnar Líndal.
Aðrir leikmenn: Jón Orri Ólafsson, Kári Ársælsson, Sölvi Sturluson, Ólafur Gauti Ólafsson, Gunnar Þór Gunnarsson, Hjálmar Þórarinsson, Eyjólfur Héðinsson (fyrirliði), Gunnar Örn Jónsson, Jón Guðbrandsson, Ólafur Páll Johnson.
Fylgjast má með mótinu hér á www.ksi.is og á heimasíðu danska knattspyrnusambandsins.
.jpg?proc=760)
.jpg?proc=760)