NM U21 kvenna: Tap gegn Bandaríkjunum
U21 landslið kvenna tapaði 3-0 í gær gegn liði Bandaríkjanna á Opna Norðurlandamótinu í knattspyrnu. Leikið er í Noregi og fór leikur Íslands fram í Gjövik. Bandarísku stúlkurnar voru sterkari aðilinn í leiknum, en þær leiddu 2-0 í hálfleik með mörkum á 6. og 31. mínútu og gerðu síðan í raun út um leikinn í upphafi síðari hálfleiks þegar þær bættu þriðja markinu við á 47. mínútu.
Næsti leikur Íslands er á föstudag gegn Þýskalandi og hefst leikurinn kl. 14:30 að íslenskum tíma. Fylgjast má með úrslitum leikja og stöðu riðla í mótinu á www.ksi.is undir Mótamál / Mót. Einnig má fylgjast með beinni útsendingu frá leikjunum á heimasíðu norska knattspyrnusambandsins (smellið á Live hægra megin á síðunni).
.jpg?proc=760)
.jpg?proc=760)