Þriðja breytingin á U21 kvenna gegn Írlandi
Jörundur Áki Sveinsson, þjálfari U21 landsliðs kvenna, hefur neyðst til að gera þriðju breytinguna á U21 landsliði kvenna sem mætir U21 landsliði Írlands í tveimur vináttulandsleikjum, þeim fyrri á Sandgerðisvelli í dag, föstudaginn 6. júlí kl. 18:00, en þeim síðari á Varmárvelli í Mosfellsbæ laugardaginn 7. júlí kl. 16:00. Laufey Jóhannsdóttir, Val, er meidd og í hennar stað kemur Margrét Jónsdóttir, sem leikur með Skeid í Noregi. Áður höfðu KR-ingurinn Guðrún S. Gunnarsdóttir og Blikinn Bára Gunnarsdóttir dregið sig úr hópnum vegna meiðsla, en í stað þeirra komu Elfa Ásdís Ólafsdóttir, ÍBV, og Hrefna Jóhannesdóttir, KR.
.jpg?proc=760)
.jpg?proc=760)