Dregið í riðla í Millennium Cup á Indlandi
Dregið hefur verið í riðla í Super Soccer Millennium Cup, sem fram fer á Indlandi um miðjan janúar, en A landslið karla er þar meðal þátttökuþjóða. Ísland er í 2. riðli, sem leikinn er í Cochin, ásamt Uruguay, Indónesíu og Indlandi, en aldrei hafa Íslendingar leikið landsleiki gegn þessum þjóðum áður. Smellið hér að neðan til að skoða alla riðla í mótinu.
Kjartan Antonsson í stað Péturs Marteinssonar
Pétur Marteinsson, Stabæk, hefur dregið sig úr hópnum vegna meiðsla og tekur Kjartan Antonsson, ÍBV, sæti hans. Kjartan er því fimmti nýliðinn í hópnum.
